اختبار كامله
انت في الصفحة 1 من 6 صفحات
البارت الاول
اختبار
كنت سايق العربيه بعد ما نزلت من الشركه والبنزين قرب يخلص فا وقفت عند اقرب بنزينه افولها.
الراجل كان بيفول العربيه وانا واقف بشوف الاعلانات اللي متعلقه ع الحيطه لفت نظري اعلان باللون الاخضر
اختبار الشجاعه والذكاء
ورقم تحت الجمله فضولي خدني واتصلت ع الرقم من باب الفضول .
_السلام عليكم
_انا شوفت الاعلان وحابب افهم.
_بكرا الساعه سته الصبح تقف عند الموقع اللي هيوصلك دلوقتي بس تاجي مشي.
خلص كلامه وقفل اتجاهلته وفكرت انه حد بيهزر وحط الاعلان دا او ناس نصابه وهيسرقوني لما اروح.
وفعلا اتبعتلي موقع كان بعيد شويه ازاي مشي.
ركبت العربيه ورجعت البيت.
كنت بتمشي بعد ما اطردت من الشغل عشان بقالي شهر بروح متأخر ظلم والله كنت قدام العماره ولاحظت الشاب اللي بيلزق اعلان ع الحيطه فا استنيته يخلص عشان اشوف ايه الاعلان دا بس استغربت لما شفته .
ضحكت هو بجد ف هبل كدا بس نجرب يمكن اطلع ذكيه وانا كدا كدا فاشله في كل حاجه .
رنيت ع الرقم .
_الو.
_ايوة.
_انا شوفت الاعلان .
_بكرا الساعه سته تقفي عند الموقع اللي هيوصلك دلوقتي بس تاجي مشي.
قفل اول ما خلص كلامه وف نفس اللحظه وصلتني رساله ع الواتس بالموقع كان قريب بس المنطقه دي بتبقي فاضيه اصلا انا ايه اللي هيخليني اروح وكمان الساعه سته دول بيهزروا.
_بدري.
_بيكافؤني عشان انا مجتهده.
_انتي!
_ايوة ايه مش مصدقه .
_مصدقه انا بس قولت راجعه بدري عشان تجهزي لرحله بكره.
_رحله ايه
_الصفحه تبع الشركه اللي شغاله فيها منزله بوست ان في رحله بكرا.
_ايوة عرفت.
_بت انتي اترفدتي صح.
_انا لا طبعا وبعدين انتي بتعملي ايه هنا روحي بيتك.
_مروحه اصلا انا قاعده من بدري وزمان العيال صحيت.
مشيت وانا دخلت المطبخ عند ماما .
_هناكل ايه
_مكرونه.
_تمام.
_لو عايزه تروحي الرحله روحيها.
_لا مش مهم.
_لا روحيها تغيري جو .
_انتي عايزه تخلصي مني صح.
_شويه بس روحي عادي.
_تمام.
دخلت اوضتي وكنت بنام وانا ماسكه التيلفون ولقيت رساله من الرقم بتاع الاعلان.
_سيتم توصيلكم بواسطه حافله نرجو عدم التأخر عن الموعد .
_فريده.
_نعم ي بابا.
_عرفت انك رايحه الرحله محتاجه فلوس
_لا معايا.
_قولي عادي.
_والله معايا .
_خدي دول بردو.
_ربنا يخليك ليا.
جهزت شنطه صغيره كان فيها حاجاتي المهمه
فضلت سهرانه لحد الوقت وطلعت من البيت بس كنت ھموت من النعس بنام وانا ماشيه .
صحيت الساعه ٥ كالعاده شربت القهوه وفتحت التيلفون لقيت رساله من الرقم بتاع الاعلان.
قررت اجرب بعد ما اتأكدت ان مش مهم ابقي في الشركه النهارده.
ركبت العربيه ووقفت بعيد عن الاوتوبيس اللي واقف ونزلت ورنيت ع صاحبي عشان ياجي ياخد العربيه.
كملت المسافه الباقيه مشي اكيد مش همشي المسافه دي كلها
وصلت وركبت الاوتوبيس مع الناس اللي راكبه بس رجعت لورا خالص عشان محدش ياجي جنبي.
وصلت وان بنهج كان الاتوبيس واقف والناس كلها ركبت طلعت وكان كله مليان وفي كرسي ف الاخر فاضي قعدت بس مكنتش جنب الشباك اسوء حاجه ممكن تحصلي في الدنيا.
_لو سمحت.
_نعم.
_ممكن نبدل هقعد انا جنب الشباك .
_لا.
ايه الناس قليله الذوق دي.
جه واحد وقال اسمه واسم الشركه اللي مصممه المغامره دي بس والله انا نمت وهو ببتكلم تقريبا كان بيقول كلام مهم.
_لو سمحتي .
_صحيت ع صوت الغبي اللي جنبينعم.
_ممكن تشيلي ايدك من ع وشي.
شيلت ايدي بسرعه لما لقيته ع وشه وكنت نايمه وسانده عليه بعدت عنه.
_مش قصدي وبعدين قولتلك خليني جنب الشباك عشان اسند عليه.
_وانا قولت لأ مش عارف ازاى هتبقي معايا ف الفريق.
_فريق ايه
_كملي نومك متشغليش بالك بحاجه.
_بجد.
_مش عارف بجد ازاي تبقي ماشيه مع ناس متعرفهمش ولاتعرفي اي حاجه وتنامي كدا .
_اموت من النعس يعني يلا قولي بقي هو قال ايه
_كل واحد هيبقي معاه فريق مكون من اتنين وكل واحد هيبقي مع اللي قاعد جنبيه.
_قال حاجه عن تفاصيل الرحله وهنعمل ايه
_هتبقي العاب مقالش اكتر من كدا.
_تمام هتقعدني بقي جنب الشباك.
_لا.
بصتله بعصبيه وخدت شنطتي وطلعت منها روايه وقعدت اقرأ فيها.
_بتقرأيله
_محمد طارق اكيد بقرأله انت تعرفه.
_ايوة.
_مش متوقعه.
_ليه
_اصل شكلك كدا يدي ع واحد مابيحسش.
_مابيحسش.
_تقرا انا معايا روايتين كمان.
_انا كمان معايا روايتين.
_اسمائهم ايه
_لن ينتهي البؤس و ابتسم فانت مېت.
_ذوئك حلو انا معايا الجزار ورحلتي من الشك للشك برضو.
_هاتي الجزار .
_هتعجبك.
ادتله الروايه وبدا يقرأها وانا كنت بكمل اللي معايا.
وصلنا ونزلنا كلنا والراجل اللي كلمنا لما كنا ف الاوتوبيس بدا يقولنا ع اللي هنعمله.
_كل واحد ليه اوضه ارتاحوا شويه وبعد ساعه هنتجمع هنا تاني.
اخدت مفتاح اوضتي ورحت قعدت فيها.
بعد عشر دقايق تقريبا الباب خبط.
_نعم.
_اللي معاكي ف الفريق اندهيله وتعالي مكان التجمع.
_بس انا معرفش مكانه.
_ف الاوضه اللي جنبك وخدي شنطتك.
رحت وخبط ع الباب وفتح .
_عايزينا .
_كان ساكت وبعدين اتكلم.
_ادخلي.
_لا.
_ادخلي.
_انت مش محترم.
_انتي فهمتي ازاي قصدي التحدي بدا وفي هنا لغز.
دخلت الاوضه وفعلا زي ما قال .
كان في ورق كبير و كتير ع الارض.
_ايه دا
_انا لسه مافهمتش.
قربت من الورق وبدات اقلب فيه كان بازل والمفروض نرتبه.
_دا بازل.
_انا هروح اجيب مايه وانتي شوفيه لحد ما جي.
_تمام.
كان واقف قدام الباب وبيحاول يفتحه.
_ايه مش عارف تفتحه.
_مش بيتفتح
_وسع كدا .
حاولت افتحه ومش بيتفتح ولقينا ورقه حد ډخلها من تحت الباب.
MeeNna
البارت التاني
اختبار
كان واقف قدام الباب وبيحاول يفتحه.
_ايه مش عارف تفتحه.
_مش بيتفتح
_وسع كدا .
حاولت افتحه ومش بيتفتح ولقينا ورقه حد ډخلها من تحت الباب.
اخدتها بسرعه وهو شدها من ايدي.
_هاتها.
_استني هقرأها .
_انا اللي مسكتها الاول.
شديتها من ايده لقيت الورق اتقطعت.
_شوفتي عملتي ايه
_انت اللي مردتش تدهالي .
_هاتي نصها اللي معاك.
_امسك.
_مكتوب ان اول خمسه هيحلوها هيتأهلوا للجوله التانيه.
_طيب يلا نبدا.
_انتي عارفه هو المفروض يبقي شكل ايه
_لا بس اكيد ف ورقه صغيره فيها الصوره دور عليها.
بدأنا ندور ع الورقه ف وسط الورق الكبير بس مش موجوده .
كان بيفتح ف الادراج .
_اكيد مش عندك اكيد ف وسط الورق هنا.
_كنا بندور ع دي صح.
_ايوة هاتها بقي.
_براحه عشان متطقتعش .
_حاضر.
كنا متفاهمين اوي وبدانا ندور ع الورق اللي بيكمل بعضه ونرصه ع السرير.
_السرير صغير.
_هنعمل ايه
_معرفش فكر.
كان قاعد ع الارض وبيقلب في الورق اللي قدامه وانا ع السرير جنب الورق المترتب.
رجعت دماغي لورا وسندت ع السرير وانا ببص ع الحيطه.
قمت بسرعه .
_لقيتها لقيتها.
_هي ايه
اخدت شنطتي وطلعت منها اللزق .
_هنلزقهم ع الحيطه.
_بيعمل ايه ف شنطتك.
_هو مش بيطلع منها عموما.
_كويس.
_صح احنا متعرفناش.
_يوسف.
_فريده.
_طيب يلا ي فريده عشان نفوز
_هو الوقت قد ايه
_لا معرفش بس اكيد ف وقت .
كان بيبص ع الساعه اللي ع الحيطه ونزلها .
___
لفت نظري الساعه اللي ع الحيطه مكنتش مظبوطه الساعه دلوقتي ١١ وهي ٣ نزلتاه واول ما نزلتها وقعت ورقه من وراها مكتوب فيها ٥ يعني فاضل ساعتين المفروض .
_فيها ايه
_التحدي هيخلص بعد ساعتين.
_طيب يلا بسرعه مش هنلحق نخلص.
كملنا ترتيب وكنت بلزق الورق ع الحيطه .
_اتكلم ف ايه حاجه .
_انا اعرفك
_لا.
_اتكلم معاكي بقي ليه
_ايه ي بني المفروض الرجاله بتبقي عايزه تتكلم مع البنات وبيحاولوا يفتحوا كلام معاهم وانا زهقانه ومتخفش يعني مش هخليك تحبني.
_ضحكتبتدرسي ايه
_انا خلصت جامعه وبشتغل
