العوده
انت في الصفحة 1 من 5 صفحات
_نزلت جري ووقفت ف الشارع اوقف تاكسي ومحدش رادي يقف فاوقفت ف نص الطريق عشان حد يقف ولو محدش وقف يبقي عمل معايا جميل وخبطني.
لقيت اوبر وقف قدامي كان مقرب يخبطني ركبت بسرعه
_لو سمحت اتحرك بسرعه.
_انزلي.
_عارفه ان حد طالبك بس معلش هنزل قريب.
_ايه!!
لقيته بيقرب من العربيه وبصلي.
_انزلي.
_اتحرك بسرعه.
مشينا والحمد الله ملحقنيش.
انا من فتره عرفت ان اهلي عايشين وعرفت عنوانهم كمان بس اكيد مكنتش هروح لحد رماني ومش عايزني وايوه دخلت المكتب من غير ماحد يعرف وعرفت مكانهم ..بس النهارده لازم اروحلهم لما استوعبت اني بتجوز هربت بالفستان.
اديته الورقه.
_ايوه اعرفه!!
_كويس وديني هناك.
_لالا متودنيش.
_اوصلك فين بالظبت
_ممكن سؤال.
_مش هخلص اتفضلي.
_انت لو مشفتش اهلك من عشرين سنه مثلا هتبقي فرحان انك شوفتهم
_اوصلك فين
_خلاص ع العنوان اللي قولتلك عليه.
ناقصه رخامت اهلك انت كمان.
وصلت ونزلت بالفستان اللي عماله اتشنكل بيه دا.
_لو سمحت انا مش معايا فلوس بس هدخل اجيب واجي استني بس دقيقه.
وقفت قدام البيت شويه بعد مانزلت وبعدين جريت خبطت ع الباب
لقيت واحده فتحت الباب زقيتها ودخلت بسرعه ولقيت ناس قاعده مع بعض وقفت بأحراج شويه وهما فضلوا يبصولي.
_انا نور بنتكم اللي رمتوها ف الملجأ مش مهم دا كله دلوقتي ف تاكسي واقف برا ومش معايا فلوس فا ممكن تدوني فلوس اديهاله.
_مين دي ي يوسف
_لفيت وشي لقيت الشاب اللي وصلني انا أسفه اني اتأخرت دقيقه وهديك فلوسك.
_مهتمش لكلامي انا اللي المفروض اسألكم مين دي وايه اللي بتقوله دا.
_الراجل الكبير سكت شويهتعالي ي بنتي اقعدي وفهمينا انتي جيتي هنا ازاي وايه اللي لبساه دا..
_ابني
ابنه سواق وعندهم الفلوس دي كلها!!
_قعدنا كلنا وكله بيبصلي بفضولانا نور علي وهربت من الملجأ عشان كانوا هيجوزوني وانا عارفه المكان دا من زمان و مكنتش عايزه اجي للناس اللي رموني بس كنت محتجالكم واللي لبساه دا فستان فرحي.
بان ع وشه الڠضب والحزن وكان ف واحد تاني قاعد باصص للارض والباقي متفاجئ.
_بنت عمك.
بص للراجل اللي قاعد وباصص للأرض.
يوسف بنتك بجد ي عمي.
بصيتله هو دا أبويا قلبي وجعني اوي انا عارفه اني كان ممكن اشوفه بس مكنتش عارفه انا هحس بأيه.
_انت عيني اتملت بالدموع وهو قاعد وحاطت ايده ع وشه.
الراجل اللي المفروض عمي تيلفونه رن نعم.
_البنت هربت.
_هي عندي دلوقتي وحسابكم معايا بعدين.
قفل .
_لا ثانيه انتوا كمان كنتوا عارفين مكاني.
_اهدي ي بنتي.
_انا مش بنت حد وفين بقي ماما هي كمان كانت عارفه ولا لأ.
_اتوفت الله يرحمها.
_بصيت للراجل اللي المفروض ابوياحضرتك مابتتكلمش ليه
متفاجئ اني جيت صح بس متخفش انا همشي يعني اعتبرني مجتش اصلا زي مانت مش معتبرني بنتك ولا انا معتبراك ابويا.
_وقف وقرب مني ي بنتي
_قلت انا مش بنت حد وابعد عني انا بكرهك بكرهكم كلكوا.
لقيت بنت ف سني جايه من برا ايه جماعه صوتكم عالي كدا لي يوسف انت اتجوزت من ورانا بس تصدق حلوه زي القمر اسمك ايه.
_بصتلها بأستغراب وبعدين بصتلهم اوعوا تقولوا ان دي اختي.
هي اختك!!.
_لا دي بنت عمك اخت يوسف.
_هي مين دي
_خلي الأستاذ علي يفهمك.
طلعت وقفت برا وبعدين رجعت.
_انا اسفه ع الازعاج اللي سببته لحضراتكم واتمني تنسوني .
مشيت وانا بعيط ومش عارفه هروح فين انا كنت مفكره اني ممكن اقعد معاهم دول ف الاخر اهلي بس مكنتش عارفه اني مش هستحمل حتي اشوفهم .
فضلت اتمشي كتير لحد ماتعبت وقعدت ف الشارع.
_قد ايه انا بني ادمه غبيه انا ليه هربت عشان كنت هتجوز كان هيبقي ف حد ف حياتي حتي لو مبحبهوش كان هيبقي ف حد عطيني قيمه ضحكتلا بجد غبيه وكنت مفكره انهم ممكن يوقفوني ويقولولي خليكي معانا قد ايه انا بكرهم وقد ايه انا لسه غبيه هما اصلا اكيد فرحوا اني ماقعدتش ومشيت اكيد كانوا خايفين اني اقول دا بيت ابويا واقعد معاهم وانهم مش هيستحملوا وحده غريبه مش من مستواهم جايه تعيش معاهم اكيد ماكنوش هيتقبلوني.
عياطي زاد بس لازم يقف وافكر هعمل ايه وهبات فين ومستحيل ارجع الملجأ.
قمت ولفيت ع محلات كتير عشان الاقي شغل بس الاجابه الوحيده كانت نظره استغراب واكيد اني مش كويسه عشان لابسه فستان فرح وبدور ع شغل.
تعبت من كتر مادورت وحتي مش معايا فلوس اشتري مايه.
دخلت كافيه كان كبير وشكله كويس.
_لو سمحت.
_اتفضلي
_انا بدور ع شغل و
_تمام ادخلي عند المدير .
دخلت ومش مصدقه انه وافق يشغلني وكان معايا البطاقه بتاعتي وورق الجامعه سرقته من الملجأ.
وعرفت ان الدور التاني سكن للي شغالين يعني لقيت بيت وشغل مفيش اجمل من كدا حظ.
عدا اسبوع وانا بشتغل الشغل متعب اوي ومفيش وقت راحه كفايه هما خمس ساعات بس اللي بنامهم ف اليوم وبعدين ارجع اشتغل بقيت بلف ف دايره مقفوله.
_ودي القهوه دي لترابيزه تلاته.
_تمام.
اخدت القهوه ولما قربت للترابيزه لقيته يوسف ابن عمي فاغطيت وشي بشعري وحطيت القهوه ع الترابيزه ومشيت بسرعه.
_لوسمحتي.
_وقفت بتوتر نعم.
لو لقيت تفاعل هنزل الباقي بعد ساعه
MeeNna
العوده
_لوسمحتي.
_وقفت بتوتر نعم........
_ممكن تجيبيلي مايه.
_تمام.
خليت زميلي هو اللي يديله المايه وحاولت ماظهرش قدامه.
تاني يوم جه بردوا وكانت اخته معاه.
وانا بحطلهم القهوه ومغطيه وشي.
_يعني هي راحت فين
_معرفش من ساعت مامشت من عندنا ومحدش لاقيها وعمك قالب الدنيا.
_هنلاقيها اكيد.
مشيت.
يعني هما بيدوروا عليا عايزين مني ايه المفروض يفرحوا اني مشيت هما اغبيه مثلا.
_كويس عرفت انا غبائي دا جي منين طلع وراثه ف عيلتنا.
عدي اسبوعين وهو بياجي كل يوم وانا ادخل جوا لحد مايمشي
كان موجود.
_ودي القهوه دي للترابيزه خمسه.
_ممكن توديها انت.
_ايه
_ولا حاجه تمام.
هو مفيش غيري.
حطتله القهوه ومشيت.
_لو سمحتي.
_مايه
_لا عايزك انتي
_ايه
_نقعد نتكلم ي نور .
_نور مين حضرتك انا شيماء.
_تمام تعالي اقعدي يلا.
_هترد من الشغل.
_وانتي محتاجه الشغل ليه
_عشان عايزه اعيش مثلا.
_انتي هتروحي معايا.
_احلم.
_تمام هستناكي برا بعد ما تخلصي
_احلم تاني اني هطلع بعد ماخلص وقول لعمك اني بكرهه وملهوش دعوه بيا زي زمان ومش عايزه اهتمامه المفاجئ دا.
_خلصتي
_ايوه.
_يلا روحي شوفي شغلك
_رايحه اصلا.
فضل قاعد اليوم كله وجه الوقت اللي المفروض نقفل فيه.
_لو سمحت المكان هيقفل.
_تمام.
_لازم تمشي.
_لما تطلعي معايا.
_انت اهبل صح.
سمعت صوت المدير من ورايا ف مشكله.
_لا مافيش.
يوسف لا ف
_شاورتاه يسكت فاسكت.
_لا مفيش مشكله خالص.
_تمام. المدير مشي .
_هندهله لو مطلعتيش.
_خلاص جايه دا انت رخم.
_مستنيكي.
كنت اشتريت لبس باول مرتب ليا لبسته ونزلتله.
_نعم.
_يلا نتمشي شويه.
_انت هتصاحبني اخلص عايز ايه
_مسك ايدي وشدني وهو ماشينتكلم واحنا بنتمشي مش مشكله.
_ي ربي.
مشيت معاه شويه وبعدين بدا يتكلم.
_عارف ان انتي عندك حق وان من حقك تكرهيه بس دا ابوكي.
_تعديل دا واحد ماشفتهوش غير مره واحده ف حياتي مينفعش يبقي ابويا.
_هو ملهوش ذنب
_هو طيب ملهوش ذنب اني اعيش من غير اهل وانا اللي ظالمه وبحكم من غير ماسمع ولا اعرف
