الحلقة 24 مكتوبه علي اسمي بقلم الكاتبه ملك ابراهيم
عامر دي اهم حاجة.. احنا الاتنين هننام مع بعض هنا في نفس الغرفة
بصت في عينيه وشافت الصدق فيهم وهزت راسها بالموافقة.
عامر ابتسم وقالها رتبي حاجتك هنا يلا وانا هطلع أشوف أمي دخلت اوضتها ولا لسه.
وابتسمت بتوتر وبصت على السرير بتاعه وهمست لنفسها معقول انا وعامر هننام على نفس السرير!!
رواية مكتوبة على إسمي بقلمي ملك إبراهيم.
عامر فتح عينيه وشاف آيات نايمه في حضنه وافتكر ليلة امس لما رجع الغرفة بعد ما والدته دخلت غرفتها.
وعامر دخل اخد شاور وخرج نام على طرف السرير وغمض عينيه ومثل النوم قدامها عشان تكون برحتها وتنام من غير خوف او قلق.. كان متابع كل تحركاتها لحد ما اتأكدت انه نام ونامت جمبه على السرير.
قامت من على الفراش بسرعه ودخلت الحمام المرفق بالغرفة عشان تجهز لشغلها.
عامر فتح عينيه وابتسم وقام هو كمان عشان يجهز لشغله.
آيات خرجت من الحمام وملقتش عامر في الغرفة وتوقعت انه راح يطمن على والدته في غرفتها..
اخدت آيات الملفات الخاصة بشغلها وخرجت من الغرفة وقابلت ميسرة وهي خارجة من المطبخ وفي ايديها فنجان القهوة بتاعها.
ميسرة بصتلها پغضب ولمحة عامر وهو خارج من غرفة الرياضه بتاعه وبدلت ملامح وشها بسرعه وابتسمت و ردت عليها صباح الخير يا حبيبتي عامله ايه
آيات بأبتسامة الحمد لله كويسه.
والدته بصتله بأبتسامة وآيات بصتله بخجل وعامر سأل لوالدته هتخرجي لاي مكان النهاردة ابعتلك السواق
عامر هز راسه ومسيرة سألته انت لسه برضه مجبتش بنت تخدم هنا انا قومت عملت القهوة لنفسي!!
عامر رد بهدوء انا بفكر نروح نعيش في الفيلا لان الشقة هنا هتبقى صغيرة علينا.
ميسرة بصتله بستغراب وقالت مين اللي هيعيشوا في الفيلا بالظبط!
رد عامر انا وآيات وحضرتك
ميسرة بانفعال اشمعنا دلوقتي هتدخل حد غريب الفيلا!! انت كنت رافض ان عزيز وبنته يعيشوا معانا في الفيلا!! ايه اللي غير
