اسكربت "ديما

اللى بابا شايفه صح عمله و انا معنديش اعتراض عليه 
يعنى انتى موافقه عشان والدك ضغط عليكى 
لا .......
خلاص يا ديما انا هتكلم معاه مينفعش تتجوزى لمجرد انه والدك شايف انه انا كويس 
انا دمعت و عيط كتير اوى و معرفش ده ليه 
مش عارفه اجاوب على ولا كلمه 
مش عارفه اوصله فكرتى
اول ما شافنى بعيط اتخض و كلمنى بحنيه 
مالك يا ديما انا اسف هو انا غلط ف حاجه 
لا 
طب بتعيطى ليه مش موافقه عليا و ابتسم
ليه بتقول كده 
اصل بصراحه بنوته جميله زيك ايه اللى يخليها توافق ترتبط بواحد مش بكامل صحته
لا طبعا مش كده كل واحد فينا ربنا مقدر له حاجه و هيشوفها و لازم نرضى و الاصابه دى مش كبيره و لا حاجه دى بسيطه
ابتسم تانى يعنى موافقه
بابا اصلا وافق 
بابا على راسى بس انا عايز رايك انتى يا ديما 
موافقه 
معرفش انا جبت الشجاعه دى منين اصلا و مكنش عندى اى شك ف قرارى 
ولا حسبت انى متلخبطه حتى 
و حسيت إنه حرك شئ جوايا بس مش شفقه 
و لا تعاطف هى حاجه تانيه 
اليوم ده عدى بسرعه بابا عرف انى مرتاحه و قرؤ الفاتحه و هلبس الشبكه مع كتب الكتاب مع بعد شهر و الفرح بعد امتحاناتى 
مؤمن هو اللى طلب كده و اقنع بابا 
و اخيرا كانو خلاص هيروحو و سلمت عليهم 
مامته اخدتنى ف حضنها و قالتلى 
ربنا يرضى عنك يا بنتى والله انتى دخلتى قلبى و هكون لك ام تانيه 
ربنا يخليكى ليا يا امى 
مؤمن كان سعيد بالحب اللى بينى و بين والدته و حس انه اطمن 
خلصت كل اللى ورايا و دخلت اصلى و اقرء الورد بتاعى و انام 
لقيت رقم غريب انا معرفوش ف مش رديت 
و عملت الموبيل صامت و كنت هنام لاقيت حد بيخبط على الباب 
ايوه 
دا انا يا ديما 
اتفضل يا ابيه 
صحيتك 
لا مكنتش عارفه انام اصلا 
ليه يا جميل 
عقلى متلخبط بس قلبى مطمن 
انه عقلك يتلخبط ده شئ طبيعى و جميل انه قلبك مطمن 
ابيه فى حد اتصل كتير اوى 
مين
لا انا معرفش الرقم اهوه
عارفه ده مين 
مين
مؤمن 
احم و هو عايز حاجه 
قال عايز يتكلم معاكى شويه 
و حضرتك موافق
ايوه
حاضر 
هروح انا انام و انتى ردى عليه و الصبح هنتكلم 
حاضر يا ابيه 
دخل نام و انا فضلت قاعده و بعدها اتصل تانى بعد ما بعت رساله انه هو مؤمن 
السلام عليكم 
و عليكم السلام و رحمه الله و بركاته 
ازيك يا ديما 
الحمد لله بخير 
يارب ديما 
و اياك يارب
ممكن نتكلم شويه
ممكن 
اتصلت كتير ليه مش رديتى 
عشان مش برد على رقم مش اعرفه
ربنا يبارك فيكى يا ديما 
يارب و اياك 
عايزك تتكلمى معايا بصراحه انتى ليه عيطى النهارده بسببى 
لا والله 
امال ايه
انا مكنتش عايزه ارتبط ابدا و بعدين بابا قال انه موافق و ابيه قالى انه هما عمرهم ما هيسمحو انى اتجوز ڠصب عنى و لما ماما اميره كلمتنى عنك انا حسيت انه مينفعش ارفض حتى لو مكنتش مرتاحه
ليه توافقى على حاجه مش مريحاكى
عشان ماما اميره قلبها يفرح 
بصى يا ديما 
ها
انتى انسانه كويسه جدا و ربنا يبارك فيكى 
لكن متظلميش نفسك عشان سعاده حد 
حاضر 
لو عايزانى اكلم والدك و انهى الموضوع هكلمه 
لا 
ليه 
عشان انا مرتاحه 
بجد يا ديما 
بجد 
هخليكى اسعد بنت ف الدنيا 
ربنا يخليك 
قفلت معاه و نمت و انا مطمنه اوى 
صحيت لاقيت بنت خالتى موجوده
صباح الخير . ازيك