كيان زياد

أنتباه ف اتكلم ب شرود 
حسيت اني انا الي متصاب حسيت ان قلبي حد ماسكه وعمال يطعن فيه الدنيا اسودت في وشي ماحستش بحاجة غير وانا ماسك مراد في ايدي وانا مقرر انه مش هيطلع من تحت ايدي عايش. 
حسيت بغصة وانا شايفه دمعه بتحاول تنزل من عينه
لما جبناك المستشفى والدكتور قال ان الطعڼة مش خطېرة بس التعب النفسي هو ال مأثر عليك كنت دايما اسمع بتحطيم القلوب بس اول مرة احس بيه حسيت انك مسؤلة مني وانا مقدرتش اكون اد المسؤلية.
زياد.. انا.. 
كيان سيبيني اكمل يمكن ارتاح انا اول مرة اشوفك لما طلبت ايدك من باباك كنت فعلا بسبب انك صعبتي عليا..
حاولت اتكلم تاني ف قاطعني
كيان اسمعي للاخر بقي يوم ماسمعتيني بكلم صاحبي كنت لسه هكمل واقول اني حبيتكحبيت كيان بنت عمي البنت الجدعة الحنونة. كيان انا بحبك وطالب ايدك للمرة التانية وارجوك وافقي والله هعوضك عن كل حاجة شوفتيها صدقيني بحبك ومش هتندمي معايا ابدا
سكت وانا فضلت ساكتة ولما طال سكوتي الحزن بان علي وشه اتنهد بحزن وو...
هتلتزم معايا بضوابط الخطوبة..!
ضحك بصخب
وحيات امك بتتكلمي بجد..!!
زياد!!
قام بسرعة وهو بينده علي ماما وطنط وبابا
جم بسرعة علي صوته العالي ف اتكلم ب فرحة وهو بيحضن مامته
وافقت يا ماما وافقت.
حضنتني ماما بحب وهي بتزغرط
الف مبروك ياقلب امك..الف مبروك يا اول.
اتكلم زياد بحماس
يلا ياطنط هاتي فستان كيان وانت ياماما الشبكة بسرعة وحضرتك ياعمو شوفلي المأزون اتأخر ليه.
بصيت لهم بتوهان وهما بيتحركوا من قدامي بسرعة
استنوا استنوا انتوا بتعملوا اي..
خبط زياد علي راسه بدرامية
هو نسيت اي نسيت اي نسيت اي..اها صح نسيت اقول للعروسة ان الايام الي فاتت كلها كنت مختفي عشان بجهز لخطوبتنا وكتب كتابنا و ان النهاردة كتب كتابنا.
زياد ماتهزرش..لا يمكن الكلام د يحصل.
بارك الله لكما وبارك عليكم وجمع بينكم في خير
اول ماختم المأذون بجملته المعتادة ارتفعت صوت الزغاريط وانا لسه بستوعب الي حصل..!!
فوقت من سرحاني علي حضڼ زياد وصوته الهامس المغلف بالحب
أنتمي إليك ب كل تفاصيلي وأرغب في الحصول على جزء من قلبك.
شديت علي ضمته وانا بهمس بحب
انا بحبك
بقلمي_shahd_farrag
كيان_زياد
تمت