الفصل التامن امل الحياة
لاحظت فارس اللي كان معدي من باب الاوضه بصيت للساعه باستغراب و ندهت عليه
دخل الاوضه و قعد على الكنبه و فرد رجله على الارض
اتكلمت حياة باستغراب
مالك فيه ايه!
فارس بحزن و دموعه كانت في عينيه
تقريبا كدا عكتها مع مليكه و مليش وش ادخل الاوضه
اتنفست حياة بقلة حيلة و اتكلمت بهدوء
و هو يعني الهروب حلو غلطت في حقها روح اعتذرلها مره و اتنين و عشره لحد اما ترضى انما انك تسيبها كدا زعلانه منك أنت كدا بتعقدها مش بتحلها روح اوضتك و صالح مراتك يفارس عشان طريقتك دي اللي بتبعدها عنك و انا و ابوك اتكلمنا معاك قبل كدا مليون مره
يا ماما عكتها جامد و الله مخلتش كلام اقوله ممكن يهون عليها بعد اللي قولته
خرجت فريده و اتكلمت ببأبتسامه
مليكه!
ابيه انت لو جيبت لمليكه مصاصه هتتصالح
اتكلمت حياة بهدوء
اهي الصغيره قالتلك تعمل ايه يلاااا
فارس بحب دا انا اجبلها السوبر ماركت كله بس ترضى و الله بس برضوا بهدلت الدنيا معتقدش ان مصاصه هتنفع خالص مع اللي عاملته انا هروح انام في اوضه و اسيبها تهدا بقى و بعدين اكلمها
النا ر لو سابتها من غير ما تطفيها في وقتها هتاكل كتير اوي يفارس طب بذمتك انت هاين عليك زعلها
هز راسه بالنفي و بحزن كبير
اتكلم بهدوء
و الله العظيم بتقطع بس
خلاص ماشي انا هقوم دلوقتي و ربنا يستر بقى
تصبحوا على خير
قال كلامه و خرج من الاوضه و دخل اوضتهم
اول اما حسيت بحركته عملت نفسها نايمه بس دموعها كانت بتنزل من عينيها
مليكه انا عارف انك صاحيه ممكن نتكلم شويه
فتحت عينيها و اتكلمت پحده
عايزه انام ممكن تطفي النور لو سمحت يا دكتور
اتكلم بحزن و هو بيبصلها
رجعنا لدكتور!
اتكلمت پحده و ڠضب
اااه رجعنا لكل حاجه قديمه عشان الكلام اللي انت قولته مينفعش يطلع من جوزي فارس انت بتشك فيا فاهم يعني ايه انت قولت كلام دب حني
ليه كل اما بحاول اديك فرصه تتصرف معايا پقسوه و توجعني منك كدا يعلم ربنا و الله العظيم من ساعه ما قولت ااه على جوازنا و انا بحاول ادي لنفسي فرصه اني اشوفك من جوا عشان اقبلك زوج ليا و الله العظيم انا عمري ما فكرت في تميم من لحظه ما بقيت على زمتك انا مش كدا يفارس و لا عمري هبقى كدا انت باللي انت قولته مش بس اسأت ليا انت كمان اسأت لتربيه اهلي ليا عارف انت طلعتني ايه طلعتني خا ينه يفارس و لو انت بجد مش قادر تنسى موضوع اخوك دا يبقى الاحسن ننفصل عن بعض بدل ما نعقد نوجع في بعض انا مش هستحمل كل شويه شكك فيا بالطريقه دي و اصلا حياتنا مش هتنفع تكمل كدا
كملي يا مليكه قولي كل اللي جواكي من ناحيتي
طب استني انا هقول انا بعشقك يا مليكه من و احنا صغيرين كنت بم وت مليون مره بسبب تصرفاتك مع اخويا و عيونك اللي كانت بتلمع اول ما تشوفه فاكره لما قولتلك تصرفاتي معاكي هي ردود افعال كنت كل اما اشوف اهتمامك بيه اټجنن كان جوايا نا ر بتحر ق الاخضر و اليابس و كان اللي جوايا دا بينعكس عليكي انتي كنت بحاول اثبت لنفسي اني اقدر
