رواية سامحيني كاتبة ضحي وائل

سلام.
وفعلا حمزة نزل الاعلان ع النت وف الجرايد وف كل حتة ممكنة واتقدم ناس كتير للتوظيف ورامي وحمزه قضوا كام يوم يعملوا انترفيو يختاروا احسن ناس للتوظيف ف المكتب لحد ما خلصوا.
حمزة بااااااس كدا مفضلش غير سكرتيرة.
رامي اه طبعا هي دي اهم حاجه هي الي هتدير المكتب ف غيابنا.
حمزة بكرا بقا نعمل الانترفيو الي هنختار فيه السكرتيرة بس انا دلوقت عاوز اروح حقيقي تعبت وعايز انااام وانت كمان اكيد تعبت وعايز ترتاح.
رامي تعبان دي كلمة قليلة فعلا خلاص مش قادر احنا بقالنا ف المرار ده كام يوم.
حمزة خلاص بقا نروح النهارده وبكرا يحلها حلاليلا سلام بقا يا وحش ابقا بوسلي العفاريت الصغيرين.
رامي سلام يا حمزة وحاضر يا سيدي هبوسهملك يلا تصبح علي خير.
حمزة وانت من اهل الخير يا صاحبي.
وكل واحد راح علي بيته..
البارت الثالث
يعلم الله اني احببتك بكل قوتي 
يعلم الله ان حبي تخطى كل الحدود
يعلم الله اني زرفت الكثير من الدمع وقطعت جميع الوعود 
يعلم الله اني ما قصرت معك يوما
يعلم الله اني فعلت كل شئ لامنعك من البعد ولكنك انت من اخترت.....الرحيل 
دخل رامي البيت بعد يوم طويل جدا من الشغل لقى البيت في قمة الجمال وريحة الاكل حلوة جدااا بس بالنسبة ليه دي حاجه بتحصل كل يوم اتعود علي كل ده اتعود ان كل حاجه بيلاقيها موجودة ومنظمة اكله جاهز هدومة مكوية ودولابه كل حاجه هي الي منظمهاله لما بيضيع منه اي حاجه بيجري يسألها وهي تجبها بكل سهولة منظمة ليه كل حياته بس هو اتعود علي كل ده عشان كدا حاسس ان كل ده طبيعي انه يجي يلاقي كل ده...
رامي السلام عليكم
خديجة وهي طالعة جري من المطبخ وعليكم السلام يا حبيبي.
مالك وهو بيجري علي باباه بخطواته الصغيرة بابي بابي وحشتني اوي يا بابي اتأخرت اوي.
 مالك موكة نامت اكلت ونامت.
رامي طب تعالي بقا يا بطل ناكل احنا كمان عشان بابي جعان اوي.
كل ده وخديجة واقفه بتبص عليهم وبتبتسم من منظرهم ومن الشبه الكبير الي بنهم لان مالك نسخة من ابوه وشكله عيونه وشعره وحتي كمان سمار بشرته.
خديجة ثواني والاكل يكون جاهز يا حبايبي.
رامي اه والنبي يا خديجة بسرعهيلا يا بطل نقعد لحد ما الاكل يجهز.
وخديجه جهزت الاكلوهما ع الاكل 
خديجة ها يا حبيبي المكتب ماشي كويس.
رامي اه الحمد لله كويس اوووي وخلصنا كل الانترفيوهات بتاعت الموظفين بس فاضل السكرتيرة وكدا يبقا تمام اوي.
خديجة بابتسامة طاااب الحمد لله ربنا يجعله فاتحة الخير عليك يا حبيبي وتبقى اشهر مكتب محاماه ف مصر كلها.
رامي ابتسملها ان شاء الله يا خوخة مش عارف اشكرك ازاي علي الي عملتيه معايا ده حقيقي ربنا يقدرني واردهولك.
خديجة برقة تردلي اي بس يا حبيبي هو انا حد غريب انا مراتك ام اولادك وقبل ده كله بنت عمك دا واجبي مستحقش عليه الشكر ولو عايز تشكرني بجد خليك دايما ناجح.
رامي وهو بيبصلها وبيقول ف نفسه يارتني اعرف احبك يا خديجة ياريت بس مش قادر مش قادر.
وكمل اكل بين كلامهم وهزاره هو ومالك تحت نظرات خديجة المبتسمة.
نروح حتة تانية بقا بيت حمزة
حمزة وعفاف ع الاكل...
عفاف ها يابني عملتوا اي ف المكتب.
حمزة الحمد لله يا امي ربنا ڤرجها وخلصنا كل حاجه معدش فاضل غير السكرتيره.
عفاف ازاي بقا والفلوس.
حمزة حاكلها علي الي خديجة عملته معاهم وازاي ساعدتهم ف موضوع السيولة.
عفاف والله العظيم البنت دي تتاقل بالدهب والماس ونعم التربية يابخت رامي بيها.
حمزة يعني هو حامد وشاكر ده بيتبتر علي النعمة الي ربنا رزقه بيها قال اي مبيحبهاش ومش قادر وعايش دور المڠصوب والضحېة 7 سنين ولسه مكملين.
عفاف اه والله ساعات البنت دي بتصعب عليا اوي وساعات بحس انها تستحق حد يحبها اد الحب الي هي بتحبه دي بس هنعمل اي بقا نصبها كدا ربنا يهدي صاحبك عشان هو كدا بيظلمها معاه.
حمزة يااارب يارب يا امي وبنا يهديه قبل فوات الاوان وقبل نا يدوق طعم الندم عشان طعمه مر اوي.
عفاف يااارب يابني يلا قوم بقا خليني الم الاكل واصلي العصر عشان ميفوتنيش.
حمزة يلا يا ست الكل وادعيلي معاكي والنبي.
عفاف دعيالك وبدعيلك من غير ما تقول يا قلب امك.
واليوم بعد كدا مشي علي نفس وتيرة كل يوم مفيش جديد.
تاني يوم الصبح بعد ما فطروا وكل واحد راح علي شغله.
ف المكتب......
رامي وحمزة قاعدين بيقابلوا البنات الي متقدمين للوظيفة.
رامي انا شايف ان لحد دلوقت مفيش فيهم واحدة تنفع.
حمزة وانا بردو مش عاجبني ملفاتهم عموما فاضل اخر واحدة وهنشوف.
رامي طب يلا عشان زهقت.
حمزة حاضر ورفع سماعة الفون وقال منة دخلي الاخيرة بلا.
منة حاضر يا فندم.
وبعد دقيقة دخلت بنت جميلة اوي بشععرها الاسود الناعم وعيونها الخظراء ولابسه جيب قصيرة وقميص احمر وكانت جميله اوي.
رامي اول ما دخلت اتسحر من جمالها ونظرة عنيها الواثقة وماشيتها وكان مركز عليها اوي.
حمزة اسمك يا انسة.....
البنت داليا..داليا عبد الرحمن 
حمزة طيب ممكن ال cv بتاعك يا انسه داليا لو سمحتي.
داليا اه طبعا اتفضل وكل ده وهي عنيها علي رامي لانه كمان سحرها بشكله الوسيم جدا وشخصيته القوية الواضحة جدا.
حمزة طيب يا انسة داليا ملفك ممتاز جدا بكرا باذن الله هنرد عليكي.
داليا شكرا يا فندم عن اذنكوا.
حمزة الټفت لرامي ولاحظ انه سرحان ومش معاه.
حمزة رامي يا رامي انت ياعم في اي مالك سرحان ف ايه.
رامي ولا سرحان ولا حاجه انا بس تعبان شوية.
حمزة ومين سمعك المهم ها اي رأيك.
رامي بيمثل اللامبالاه مش عاجبني حد غير اخر واحدة ملفها كويس.
حمزة فعلا هي ملفها كويس جدا بس سبحان الله يا اخي مش قابلها تقيلة علي قلبي.
رامي تقبلة اي هو انت هتصاحبها اهم حاجه شغلها.
حمزة ولا هصاحبها ولا حاجه يا عم بقولك تقيلة علي قلبي تقولي اصاحبها بس هي ملفها كويس الصراحة فلو انت شايف كدأد يبقا اشطا نكلمها ونقولها امها اتقبلت.
وفعلا بلغوها انها اتقبلت وبدأت شغل وعدى علي شغلها معاهم 3 شهور ومع مرور الوقت شرارة الاعجاب بينها وبين رامي بتزيد وبتبان ف النظرات وهي كمان بتحاول تغريه بكل الطرق وف نفس الوقت بتمثل دور البنت البريئة الي بتتكسف وطبعا طول المده ي ورامي متغير كليا مع خديجه وزاد برود علي بروده معاها لحد ما ف يوم المشاعر اتملكت من رامي وطلب داليا من مكتبه وقالها داليا لو سمحتي تعالي عايزك.
داليا حاضر يا فندم.
ثواني وداليا دخلت عليه..
داليا خير يا فندم.
رامي وراكي اي مواعيد بعد الشغل.
داليا بخبث لا ابدا يا فندم بس ليه.
رامي اصل انا عازمك بعد الشغل ع الغدا.
داليا بس يا فندم.......
رامي من غير بس ها موافقة.
داليا برقة موافقه يا فندم.
رامي بابتسامة خلاص بعد الشغل نروح المطعم الي قدام المكتب.
داليا الي تشوفه يا فندم عن اذنك بقا اخلص الشغل.
واستدارت وارتسمت علي وشها ابتسامة انتصار.
وبعد الشغل ف المطعم....
جه النادل واخد منهم الطلبات ومشي.
داليا خير يا فندم في اي حصل حاجه.
رامي لا ابدا كل خير وبلاش فندم دي رامي بس.
داليا بكسوف مصطنع ازاي بس يا فندم مينفعش.
رامي بابتسامة انا راضي يا ستي رامي بس من غير فندم.
داليا برقة ماشي يا رامي.
رامي من الاخر كدا انتي عاجباني اوي يا داليا عاجباني من ساعة ما شوفتك يوم الانترڤيو.
داليا وقد كشفت عن وجهها الحقيقي وانت كمان وانت كمان عاجبني اوي ومن اول يوم شفتك فيه.
رامي بابتسامة من ساعة ما شوفتك وانتي مش بتفرقي خيالي وع طول بفكر فيكي اعجبت بيكي وحبيتك من اول نظره وزاد حبي كل يوم ف ال شهور الي فاتوا.
داليا بدلع رقيق طب واخرة الحب ده اي بقا يا رامي.
رامي خير اخرته كل خير ان شاء الله.
وفضلوا يتكلموا كتير اوي ويعترفوا لبعض بكل حاجه.
عند خديجة....
كانت قاعدة سرحانه ف معاملة رامي ليها بقاله 3 شهور متغير كليا هي اخده علي برود مشاعره من ناحيتها من زمان مع انه كان پيموتها من جواها بس كان ارحم من الي هي فيه دلوقت زاد برود علي بروده بقا عصبي وبيتلكك علي اي حاجه ولو مفيش حاجه بيخترع معاها خناقة علي اتفه الاسباب وساعات من غير اسباب وبقا دايما معترض علي اي حاجه تعملها بقا صعب اوي لدرجه معدتش عارفه ولا قادره ترضيه ازاي.
قطع افكارها صوت الباب وهو بيتفتح وكان رامي.
قامت بسرعة وراحتله وقالت حمدالله ع السلامة يا حبيبي ثواني والاكل يكون جاهز.
رامي لالالا انا اتغديت برا مش جعان.
خديجة اتغديت برا!
رامي اه اي غريبه عادي يعني المهم تعالي عايز اكلمك ف موضوع مهم.
خديجة موضوع مهم في اي يا رامي قلقتني.
رامي تعالي نقعد الاول عشان نعرف نتكلم.
خديجة بعد ما جلست اي يا حبييي قلقتني في اي اتكلم.
رامي خديجة انا قررت قرار ولازم تعرفيه.
خديجة قرار اي ده الي لازم اعرفه يا رامي.
رامي انا قررت اتجوز.....
البارت الرابع 
في غيبتك الحزن عرش وانا فيه سلطان 
وكانت السعاده شعبي اللي عصاني 
كم هو مؤلم ان تضحك وعيناك تصرخ بالدموع 
ولكن رائع ان تبتسم عندما ينتظر منك الآخرون البكاء.
كم هو مؤلم ان تبتسم في وجه الچارح فقط منعا للإحراج.
تت اي يا خويا....... تتجوز انت اټجننت يا رامي.
كانت هذه هي الكلمات التي خرجت من حمزة بعد ان اخبره رامي بأنه قرر الزواج.
رامي ببرود اټجننت... اټجننت عشان هطبق شرع ربنا واتجوز الي حبتها وعايز اتجوزها اي كفرت يعني.
حمزة پغضب حبيت !!! ياخي حبك برص منتا بتعرف تحب اهو اومال عايش ف دور التلاجة السنين الي فاتت دي ليه.
رامي بهدوء اهو الي حصل بقا حبيت وعايز اتجوز اظن حقي.
حمزة جاك كسر حقك يا خويا قال حقك قال ومين بقا ست الحسن والجمال الي حبتها.
رامي ببرود داليا.
حمزة داليا مي........داليا داليا السكرتيرة يا رامي.
قالها وهو يجلس علي كرسي المكتب بصدممه.
رامي ببرود اه هي داليا السكرتيرة الي هتبقى مراتي فياريت تتكلم عنها بشكل كويس.
حمزة وهو لسة مصډوم طب وخديجة.
رامي مالها خديجة.
حمزة پغضب مالها اي كانت اي ردت فعلها وانت رايحلها بكل بجاحه وبتقولها انك هتتجوز.
رامي لف بكرسي المكتب وبص علي الشباك وافتكر ردت فعل خديجة لما عرفت قراره.
Flashback.
خديجة قرار اي ده يا رامي.
رامي انا قررت اتجوز.......
خديجة فضلت مصډومة ومش عارفة ترد عليه ومش مستوعبة اصلا الي هو قاله.
وبعد مدة من الصمت قالت تت...... تتجوز 
رامي وهو بيهرب من عنيها اه يا خديجة في واحدة بحبها وعايز اتجوزها.
خديجة والدموع بتتجمع ف عنيها