رواية سامحيني كاتبة ضحي وائل

سلام.
رامي مع السلامة.
وفضل مراقبها لحد ما دخلت الشركة واتنهد ودور السيارة وراح علي مكتبه.
وبعد ربع ساعه كان بيدخل مكتبه واول ما دخل لقا حمزه قاعد بيشتغل.
رامي السلام عليكم.
حمزة وعليكم السلام اهلا اهلا بالۏحش ها عامل ايه.
رامي انا تمام الحمد لله ها وانت.
حمزة انا زي الفل دايما الحمد لله يلا يلا اقعد ورانا شغل بالهبل وقواضي متلتله.
رامي قعدنا اهو استعنا ع الشقى بالله.
وفعلا فضلوا يشتغلوا كتير جدا لحد ما خلصوا دراسة معظم القضايا.
حمزة انا خلاص مش قادر اي ده كله.
رامي خلاص هانت فاضل شوية ونخلص خلاص.
حمزة لا شوية اي الشوية دول يخلصوا بكرا انا النهاردة معنتش قادر انا جاي وبشتغل من قبل منك ودي اول مره تحصل.
رامي معلش اتاخرت ف النوم شوية وعلي ما وصلت خديجة الشغل.
حمزة وصلت خديجة الشغل 
رامي اه كنت نازل شوفتها كانت رايحة الشغل ومعاها الولاد هتوديهم لمامت رندة.
حمزة اه مهي بتوديهم هعندها دايما وتروح شغلها.
رامي پصدمة وانت كنت عارف ان هي بتشتغل من الاول.
حمزة اه طبعا عارف من الاول حتي قبل ما تشتغل لما كان مجرد قرار.
رامي پغضب وعرفت منين ان شاء الله وازاي متقوليش حاجه زي دي.
حمزة بهدوء عرفت منين فانا كنت بتصل بيها انا وامي نطمن عليها كل يوم ومقولتلكش ليه عشان دي حاجه ملكش فيها.
رامي يعني اي مليش فيها دي مراتي انا........
حمزة كاااااااانت.....كانت مراتك انما دلوقت لاء فملكش الحق تدخل تعمل اي ومتعملش اي.
رامي انت كمان هتقولي زيها مليش حق.
حمزة اي ده بجد هي قالتلك كدا جدعه والله.
رامي انت هتستعبط.
حمزة لا ابدا هي دي الحقيقه ملكش حق تعرف او تقرر اي حاجه تخصها كل الي ليك عندها ولادك وبس.
رامي قام وقال پغضب لا بقا ليا الحق اعرف كل حاجة كل حاجه تخصها وهيفضل ليا الحق ده لحد اخر يوم فعمري وعمرها.
حمزة ياااا سلااااام وده من اي ده ان شاء الله.
رامي انا حر بقا ام ولادي وليا حق فيها.
حمزة پغضب لا يا رامي ده انت اټجننت رسمي بقا خليك فحالك وف مراتك ها مراااااتك وسبها بقا تشوف حالها وكفايا اوي الي انت عملته فيها وهي وهي معاك سبها بقا وخلي فوش اهلك ډم.
وقام وخرج من المكتب وساب وراه رامي ھيموت من الڠضب ازاي يسبها فحالها وميعرفش عنها اي حاجه بعد ما كان بيعرف ادق تفاصلها وبتمشيش خطوه غير بعلمه.
قال پغضب لا بقا كلهم نفس النغمة سبها فحالها سبها فحالها والهانم تقولي امبارح ميخصكش لا يا خديجة يخصني ويخصني اوي كمان وهيفضل يخصني لحد اخر يوم ف عمري لما اشوف اخرة الي بيحصل ده اي.
البارت التاسع
أحببت......نعم احببت 
أحببت عندما فقدت 
وفقدت عندما اهملت 
واهملت لانك ضمنت 
ونسيت ان الضمان الوحيد علي هذه الارض 
هو وجه الله عز وجل
وكل واحد خلص شغله وروحوا وخديجة راحت عند مامت رندة عشان تجيب الولاد وجابتهم وروحت البيت وطبعا كل حاجة كانت جاهزة البيت نظيف وكل حاجة تمام حتي الاكل كانت مجهزاه من بالليل عشان عارفه انها هترجع وقت الغدا واليوم بالنسبة ليها كان كدا شغل ولاد وبيت مفيش اي حاجة جديده بس كانت دايما تحس ان الشغل مالي عليها الفراغ الي سايبه رامي ووقتها الي كانت بتديهوله الي اكتشفت بعد ما سابها انها كانت بتديله وقتها كله حتي مكنتش بتفكر ف نفسها...بس يمكن الشغل مالي فراغ الوقت بس يا تري هتعمل اي ففراغ القلب الي سابه وراه !
نروح الناحية التانية وهي رامي...رامي كمان بعد الحوار الي حصل بينه وبين حمزة كان متعصب جدا ومصمم لسه ان من حقه يعرف كل حاجة عن خديجة وخلص شغل وراح ع البيت واول ما فتح الباب 
لقا البيت زي ما كان سايبه الصبح مفيش اي حاجه اتحركت من مكانها حتي ملقاش اثر لداليا.
فإستغرب ونادى عليها مره اتنين.
رامي داليا يا داليا.
ردت عليه من الحمام ايوا يا حبيبي انا هنا ثواني وطالعالك.
وبعد لحظات طلعتله.
داليا حمد الله علي السلامة يا حبيبي.
رامي الله يسلمك يا حبيبتي ها عاملة اي
داليا ولا حاجه لسهت صاحية و......
رامي نعم لسه صاحيه 
داليا باستغراب ايوا يا رامي في اي 
رامي يعني اي لسه صاحيه يعني.
داليا جرا اي يا رامي لسه صاحية ملهاش معني غير كدا.
رامي لا ليها ممكن تكوني صحيتي خلصتي الي وراكي ونمتي تاني.
داليا الي ورايا وهو انا اي الي ورايا موراييش حاجة.
رامي نعم موراكيش حاجة انتي بتهزري صح.
وبعدين صمت لحظات وتابع افهم من كدا ان مفيش غدا ولا اي حاجه اتحضرت.
داليا بتوتر لا يا رامي بقولك لسه صاحية.
رامي پغضب انتي بتستعبطي يا دالياااااا.
داليا پخوف مهو مهو يعني...... انا مش بعرف اطبخ.
رامي پصدمة مبتعرفيش تطبخي اومال الي كنت باكله بيت اهلك ده اي... وتيجي تحطي قدامي الاكل وتقولي عملهولك بإيدي يبقا اي ده بقا ومين الي كان بيعمل الاكل طالما انتي مش بتعرفي.
داليا بتوتر كانت بتعمله اختي سهي.
رامي اختك يعني كنتي بتكدبي.
داليا پخوف مهو يعني..... انا...... وصمتت مش عارفة تقول اي وبصت ف الارض.
رامي بصلها طب الاكل وكنتي بتكدبي ومبتعرفيش تطبخي.. البيت بقا اي مبتعرفيش تروقي كمان اسيب البيت ارجع الاقي الحال كما هو عليه.
داليا مردتش عليه.
رامي متنطقي.
داليا پخوف لا بعرف.
رامي اومال اي بقا.
وشاور علي الكراسي الي مش مترتبة والحالة الي البيت عليها.
داليا بقولك لسه صاحية لسه صاحية يا رامي مكنتش قاعدة وسايباه كدا يعني.
رامي بصرامة لا يا هانم انتي دلوقت ست متجوزة يعني تصحي قبلي كمان مش ارجع من الشغل الارف ده فاهمة.
داليا فاهمة حاضر فاهمة.
وبعدين راحت عنده وحضنته بدلع انا اسفة والله خلاص بعد كدا هصحى بدري مش هتاخر.
رامي بصلها وهو ساكت من غير تعابير.
داليا خلاص بقا يا قلبي مش هتحصل تاني.
رامي اتنهد وقال ماشي يا داليا مفيش حاجة هروح اخد شاور واطلب اي دليفيري ناكله.
داليا بابتسامة ماشي يا روحي يلا روح.
رامي سابها ودخل الاوضة عشان ياخد شاور.
داليا جلست علي الكرسي بضيق وقالت ده اي ده يارب هو انا متجوزاه عشان ابقا خدامة ولا عشان اعيش معاه ونخرج ونتفسح اوووووف.
رامي بعد ما دخل الاوضة خلع جاكيت البذلة وحطه علي السرير وقعد عليه وحط دماغه بين ايده واتنهد بضيق... مش متعود ابدا علي الفوضى وعدم النظام ومتعودش ابدا يجي يلاقي البيت كدا ومفيش اكل خديجة كانت بتنظم كل حاجة حتي ادق التفاصيل الي كان شايفها هو تافهة واي ست تقوم بيها.
وعند النقطة دي وقف وافتكر خديجة هو عايز يشوفها يشوفها بأي شكل هو مش عارف ليه عاوز يشوفها عمرها ما حصلت انه يكون ملهول عليها اللهفه دي كلها وعايز يشوفها بأي طريقه.
ملقاش حجة غير الولاد عشان ينزل وكمان هما وحشوه ف هيشوفها ويشوفهم ف راح اخد شاور وغير هدومه لهدوم بيتي.
طلع لقا داليا قاعدة بتتفرج علي فيلم وقالت تعالي يا حبيبي اتفرج معايا علي الفيلم ده حلو اوي.
رامي حاضر جاي اهو...
وفعلا راح وقعد جمبها وحضنها بيقنع نفسه بحبها وانها هي الي فباله بس هو حاليا كل الي فباله خديجة خديجة هي الي عايز يشوفها دلوقت.
استني لحد ما خلصوا الفيلم والدليفيري وصل واكلوا سوا.
وبعد مده انا هنزل اشوف الولاد.
داليا بضيق ولاد اي دلوقت هو كل يوم تنزل طب خلي اليوم ده بتاعي انا.
رامي بصرامة جرا اي يا داليا دول ولادي اشوفهم كل يوم وكل ساعة كمان وبعدين منا كنت سايبهم 3 شهور ونص وقاعد جمبك عمال افسحك من هنا لهنا وحتي الشغل مكنتش بروحه اي بقا لما اعوضهم واشوفهم.
داليا انا مقولتش حاجه يا رامي لكل ده.
رامي كل ده ومقولتيش وبعدين لسه هستناكي لما تقولي كله الا ولادي.
داليا بتوتر انا..... انا مقولتش حاجة بس...بس.......
رامي بس اي 
داليا بغيرة بصراحة بقا خديجة تحت وانا مش عايزاك تنزل مش كل شوية تنزل وهي تحت وبتقعد بالساعه والاتنين معاها.
رامي اه يعني المشكله ف خديجة!!
داليا ايوا هي البتاعة دي.
رامي پغضب داليااااااااااا.... انا قولتك قبل كدا نقي الفاظك كويس وانتي بتتكلمي عليها البتاعة دي بنت عمي وام ولادي وكانت مراتي من قبل ما اشوفك اصلا ف احترمي نفسك وانتي بتتكلمي عليها.
داليا بس انا......
رامي بلا بس بلا مبسش بقا انا نازل وكل يوم هنزل اطمن عليهم اعملي حسابك علي كدا انتي متجوزاني وعارفة اني كنت متجوز وعندي ولاد مسؤول عنهم اومال كنتي هتعملي اي بقا لو كانت مطلبتش الطلاق اول ما عرفت اني هتجوز.... كان زمانها لسه مراتي وليها حقوق عليا زيها زيك بالظبط.
داليا پغضب ماشي يا رامي ماشي انزل.
رامي بصلها وسابها ومشي.
نزل وقف قدام باب البيت واخد نفس ورن الجرس 
بعد لحظات سمع صوت خديجة حاضر حاضر جاية.
وفتحت الباب واټصدمت انه رامي.
خديجة رامي 
رامي فضل باصص عل خديجة وهو ساكت شوية وبعدين قال ازيك يا خديجة.
خديجة بابتسامة انا كويسه اوي الحمد لله انت جاي عشان تشوف الولاد صح
رامي اه...اه عاوز اشوفهم.
خديجة اتفضل اتفضل هما جوا بيلعبوا مع بعض تعالي.
ودخل رامي البيت لقاه زي ماكان بيرجع من الشغل يلاقيه منظم ومترتب وريحته حلوه لسه هو هو بس الفرق انه هو الي مش فيه.
ودخل لقا الولاد بيلعبوا ف الصاله وبيضحكوا وكان شكلهم حلو اوي 
خديجة اهم يا سيدي بيلعبوا اقعد معاهم بقا.
رامي بسرعه وانتي انتي هتروحي فين  
خديجة لا مش هروح ف حته انا قاعدة قدامكوا هناك اهو برسم التصميم الجديد للشغل.
رامي بتشتغلي اذاي ف الدوشة الي هما عاملنها دي.
خديجة بابتسامة لا ولا دوشة ولا حاجة انا قاعدة معاهم من ساعة ما ربنا كتبلهم يجوا الحياة ومتعودة عليهم وعلي دوشتهم من غيرها احس ان الدنيا فاضيه ملهاش اي لازمة دول حتة من قلبي وبعدين لو سبتهم مين يخلي باله منهم لا يتعوروا او يقعوا ولا حاجه اديني قدامهم اهو لو حصل حاجة اكون شايفاهم قدامي.
فضل رامي باصصلها وهي بتتكلم وبيسمعها كانها اجمل حاجة ف الكون واد اي هي ام عظيمة ومفيش زيها.
وتابعت يلا يلا اقعد معاهم وانا قدامكوا اهو بشتغل.
وفعلا رامي قعد مع الولاد وفضلوا يلعبوا وهو كل شوية يبصلها وهي بتشتغل ومركزه.
وخديجة اطمنت ان رامي معاهم وركزت ف شغلها وكل شويه تبصلهم وتضحك علي شكلهم الحلو هو والولاد حاجة غريبه اوي انها معاه من 7 سنين وقبلهم بحكم القرابه وعمرها ما شفته بيضحك كدا....... بس هي هتستغرب ليه هو كان حتي مبيطقش يبتسم فوشها يبقا هيضحك ازاي.
اتنهدت وكملت شغلها.
وبعد مدة كانت مخلصة الشغل والولاد تعبوا وناموا من اللعب.
رامي سابهم وارح لخديجة يبص علي التصميم الي هي عملاه