اسكربت "ديما

بطبعى هاديه اوى و بسمع الكلام مش لانى معنديش شخصيه مثلا لكن انا اتربيت على كده بسمع كلام ماما و بابا و اخويا الكبير 
هما بيحبونى اوى و انا بحبهم و حتى لو زعلونى ببقى عارفه انه دا لمصلحتى 
من لما دخلت اولى اعدادى لبسى بقى خمار اسود زى لبسى 
اتربيت انه صوت البنت مينفعش يعلى ابدا لا جوا البيت و لا بره 

اتربيت كمان انه ديما ابص ف الارض و مش ابص ف عيون اللى بكلمه 
و احترم الكبير و الصغير 
رجعت من الكليه صليت و اتغديت و ارتحت ساعتين و قومت اذاكر 
لقيت ماما دخلت لى 
ديما بابا عايزك 
خير يا ماما فيه حاجه 
بابا هيقولك يا حببتى 
طلعت لبابا ف الصاله و قعدت جنبه
ايوه يا بابا 
بصى يا ديما انا عايزك ف موضوع مهم 
خير يا بابا 
خير يا حببتى انتى اتقدم لك عريس كويس و انا عارف اهله كويس 
مش حضرتك قولتلى انه مش هرتبط غير لما اخلص تعليم
انا اديت الناس كلمه و هنقرأ الفاتحه يوم الجمعه الجايه 
قلبى اتوجع حتى الجواز ماليش رأى فيه 
طب انا مش عايزه اتجوز نفسى اكمل دراسه و اشتغل و احقق كل اللى بحلم بيه و كالعاده الدنيا مصممه تهد كل احلامى 
قومت مشيت بدون و لا كلمه دخلت اوضتى بكل هدوء و قعدت 
ليه ماليش حق انى اختار شريك حياتى حتى
قومت صليت و دعيت ربنا كتير انه يدلنى على الصح 
يوم الجمعه صحيت لاقيتهم بيظبطو البيت 
مبرووك يا ديما 
ابتسمت لاخويا و مش رديت لقيته مسك ايدى و اخدنى و قعدنا 
مش انتى بتثقى فيا 
طبعا يا ابيه 
امال زعلانه ليه كده 
عشان كل بنت بيكون من حقها تختار شريك حياتها انما انا اتفرض عليا ده و حضرتك عارف انى عمرى ما هكسر كلمه بابا
يا حببتى متعيطيش ابدا انا جنبك و عمرى ما هسيبك ابدا والله و لو حسيتى ف اى وقت انك مش مرتاحه له قوليلى و انا هبعدك عنه
ربنا يخليك ليا يا ابيه 
و يخليكى ليا يا ديمتى بس تعرفى
ايه 
هتحبيه 
اتكسفت اوى و بصيت ف الارض 
يا خلاثى على الناس بتتكسف و الله انا ما عايزك تتجوزى ابدا بس يالله اوامر الكبير
ايوه اضحكى كده يا قلب اخوكى و قومى يالله اعملي نفطر انا و انتى 
حاضر يا ابيه 
الا حد ما قلبى اطمن شويه من كلام اخويا 
رغم انه انا عمرى ما هكسر لبابا كلمه حتى لو الدنيا كلها واقفه و عايزه تساعدنى 
محدش هيحبنى اده و اكيد شايف حاجه انا مش شايفاها  فطرنا و قعدنا و خلصنا كل حاجه و المفروض بقى انى اجهز دلوقتى و فعلا دخلت البس و كنت هلبس عبايه سودا و خمارى لاقيت ماما بتخبط 
ديما 
ايوه يا ماما 
خدى بابا جايب لك فستان بخماره هيعجبوكى اوى
الله حلو اوى يا ماما بس
بس ايه يا حببتى
انا بتكسف البس الوان 
هتبقى زى القمر 
ربنا يخليكى ليا يا ماما 
يارب و يفرح قلبك يا ديما 
يارب يا ماما 
لبست دريس لونه بيبى بلو و فيه فرشات اوف وايت و خمار اوف وايت 
كنت مستغربه نفسى اوى عمرى ما لبست كده ابدا 
اخويا هو صحابى و حبايبى و كل اللى ليا اصلا 
كان بېخاف عليا يكون ليا صحاب 
و بصراحه عمرى ما حسيت انى محتاجه حد هو ديما معايا 
بيخرجنى و بيذاكرلى و بنلعب و بنشوف كرتون سوا 
هو اه اكبر منى مش بكتير لكن بحس انى بنته 
محظوظه ليا ابين
لاقيت الباب بيخبط تانى 
اتفضل يا ابيه 
فعلا دخلى 
خلصتى .. اللهم